داوها بالتي كانت هي الداء..........

اول شي كل عام وانتوا بالف خير....
اما بالنسبة للعيد السعيد فكان عيد من الاخر ...انكد عيد بمر علي بحياتي .... والسبب (ماما) ...
يعني شو ما اعمل ما بعجبها مش عارفة شو صاير مالها
مثلا : كانت معي لما اشتريت اواعي العيد (زي الاولاد الصغار ) وعجبوها وحكت بيحنينوا ( هي اللي نقتهم اصلا )ومع هيك يوم العيد طلعت فيهم مية وسته وستين عله ....
ومش بس هيك
بنكون بدنا نروح مشوار بتكون لسه ما خلصت لبس وبتعصب علي اني لسه ما جهزت .... ماما خلص والله اني بحبك
واخر شي صار وبعدها انا قبعت معي لما بلشت تعلق على سواقتي مع العلم اني لما يكون بابا او ماما معي بسوق على مهلي وبحط الحزام ما عجبها لماما وصارت تحكي اني ملطوشة وبسرع وبدها امشي على طريق المطار والشارع فاضي على 70 ... ومش بس هيك بلشت تحكي انتبهي في سيارة بتتجاوز في واحد بقطع الشارع في مطب في ما بعرف شو .... بالاخر انا صفيت السيارة على اليمين وحكيتيلها ماما تعالي سوقي بس طبعا ما رضيت ليش ما بعرف (مع انها بتعرف تسوق من زمان ) بس عشان اريح راسي واحنا راجعين من المشوار مشيت على 35واقصى اليمين واخدت معي الطريق من الرابيه لمرج الحمام ساعة الا ربع ....
وبعد هذا المشوار الرائع لما طلعنا تاني يوم ما علقت بالمره ومشيت على 110 وتجاوزت عن السيارات وماما قاعدة ساكتة يا ما احلاها ...
عنجد مرات الاهل بتحتار كيف تراضيهم ....
بس مع هيك ماما روحي بحبك كتييييييييييير وما بدي تزعلي ازا انا بعصب شوي بس ...
يلا كل عام وانتوا بخير مرة تانية وينعاد عليكم يا رب بالصحة والعافية

شو بدو مني

صباح الورد .... بعرف انو اللي زمان ما كتبت بس المشكلة انو عندي شغل كتييييييييير وامتحانات كتيييييييييييير .... اليوم بدي احكي عن موقف صار معي هلا بصراحة الموقف مش غريب بس الغريب بالموضوع الالحاح الشديد عليه .... شوفو شو صار ....
انا بشركتي طبيعة دوامي مديرة التسويق والعلاقات العامة (ما يغركم اني صغيرة بس بعجبكم قدها وقدود ) واكيد بطلع بقابل ناس مشان شغل الشركة وقبل اسبوعين تحديدا كان عندي مقابلة مع مدير شركة كتيييييييير مهمة بالبلد وهو شخصية معروفة نوعا ما .... هلا انا ما بنكر انو شب حلو وشخصيةو جنتل مان بس كان كتييير شديد معي بالمقابلة وما حسيت في شي مش طبيعي صح انا كنت زي الهبلة وبطلت اجمع شو بدي احكي خصوصا بس يطلع فيي بس المهم مرت المقابلة على خير وكان بستنى ابعتلوا رد مشان الشغل ولما اعطيتوا رقم الشركة حكالي هاد رقمك المباشر قولتيلوا لا حكالي طيب اعطيني المباشر مشان اردلك خبر لاني يمكن اسافر فانا اعطيتوا رقمي الخاص وكانت اكبر غلطة بحياتي ....
لسه ما صار اللي طالعه 5 دقايق ولا هالمدير المحترم برن ( على فكرة ما كان مبين عليه انو هيك وكان لابس دبلة كمان بالايد الشمال )
المهم وبلا طول سيرة هاد يوم وهداك يوم وهو مصر انو احنا لازم انكون اصحاب وانو هو معجب فيي صح هو متجوز وعندو ولد بس هاد ما بيمنع انو يكون بينا علاقة ......
حد يفهمني شو بدوا فيي ..... انا ناقصني مجانين .... ومتجوزيين كمان ,,,,,
حضرة المدير المحترم بحكيلك من اعماق قلبي :

إرحم اعصااااااااااااااااااااااااااااااااااااااااااااااااااااابييييييييييييييييييييييييييييي

احلى يوم

صباح الخير والورد والياسمين
اليوم احلى يوم بحياتي .... اكيد الكل عم يسال ليش ؟؟؟؟؟؟؟؟؟
في ناس بتفكر اني بحب , او خطبت , او عملت منيح بواحد من امتحاناتي ,..... الخ
بس في الواقع ولا شي من هاي الاشياء صح
لانو اليوم بصادف ذكرى اول سنة لطلاقي .... الي هي بالنسبة الي عيد وطني وقومي
ما بدي اقعد احكي شو الاسباب وليش عملت هيك ,, وخربت بيتي (على اساس انو كان عامر ) بس اللي بدي احكي انو انا كتيييييييييييير مبسوطة على حالي لاني قدرت اخد هيك قرار بعد سنتين من العذاب ....
انا هلا وحدة جديدة , احلى
واروق
واسعد بكتيييييييييييييير .
لانو بصراحة في بعض الرجال مش الكل يوم فراقهم عيد
على فكرة انا جايبة كيكية على الدوام تفضلوا معانا
:)))
بستنى ردودكم

مرحبا للجميع
انا جديدة وهاي اول مرة بعمل مدونة .... وبكره لانو بصادف اسعد يوم بحياتي رح ابلش تدويين استنوني وبتمنى انا نكون اصحاب :))))